Холандија забрани на поранешни фудбалери и славни личности да рекламираат обложувалници

Рекламирањето обложувалници и коцкарници стана голем тренд во последните години во спортот, таков е случајот и кај нас, а Холандија сега воведе нов закон.

Холандија е првата земја во светот која забранува секаков вид на реклама од популарни познати личности и посебно фудбалери за обложувалниците. Холанѓаните сакаат да стават крај на ваквото рекламирање затоа што идолите на децата ги насочуваат во погрешен пат.

Во претходниот период Едвид Ван Дер Мејде, Дик Адвокат, Сјак Сварт, Ели Ласт…како и друго беа заштитни лица на обложувалници и коцарници, меѓутоа во иднина нивните договори ќе мораат да бидат раскинати.

„Насекаде ги гледаме рекламите, пред градинки, стадиони, молови…Не е паметно тоа што се случува. Место познатите и идолите на децата реламираат обложувалници треба да ги поттикнуваат луѓето да се однесуваат нормално“, изјавија од холандската Влада.