Хендерсон сака да замине од Јунајтед после само шест месеци

Голманот на Манчестер Јунајтед, Дин Хендерсон е подготвен да го напушти Олд Трафорд.

Наводно, талентираниот голман веќе го известил Оле Гунар Солскјер дека планира да замине, а причината е едноставна – не сака да ја грее клупата.

Доколку ситуацијата не се промени и натаму остане на клупата, Хендерсон е свесен дека ќе остане без Европско првенство со репрезентацијата на Англија и затоа е подготвен во јануари да се пресели во друг клуб.

За сега како најсериозни кандидати за неговите услуги се споменуваат Лидс и Брајтон.

Хендерсон летоска се врати во Манчестер и со матичниот клуб потпиша нов петгодишен договор.