Хаџи: Мораме да ја победиме Македонија во Скопје

Јанис Хаџи порачува дека Романија во Скопје доаѓа по победа.

Романија ги победи Лихтенштајн и Исланд и со висока самодоверба доаѓа во Скопје на натпреварот во среда. Младиот напаѓач на Романија изјави дека во нивните мисли се само три бода.

„Во Македонија ќе одиме по победа со три бода во нашите мисли. Комплицирано сигурно ќе биде, гостувањето е тешко на лош терен, но ќе мора да победиме во Скопје“, изјави 22-годишниот фудбалер.

Ќе потсетиме, на првиот натпревар во Романија токму Хаџи беше стрелецот на победничкиот гол за Романија, само неколку моменти откако Трајковски изедначи.