Финска се плаши од војна, бара мечот со БиХ да се игра на неутрален терен

Фудбалската федерација на Финска не ја исклучи можноста да побара од УЕФА натпреварот против БиХ во квалификациите за СП да се игра на неутрален терен.

Мечот треба да се игра на стадионот „Билино Поле“ во Зеница, но во Финска се плашат од заканите за војна и сакаат да се игра на неутрален терен.

„Ако биде загрозена сигурноста на екипата, УЕФА би требало натпреварот да го префрли на неутрален терен. Подготвен сум самоиницијативно, доколку има загрижувачки вести, да побарам од УЕФА да реагира, изјави првиот човек на финскиот фудбал Ари Лахти.

Босанските медиуми објавија дека финската страна е сериозно загрижена поради заканите за оружен судир во БиХ.