Фантантонио во свој стил – Потпиша за Верона па се пензионираше! (Видео)

Иако пред само осум дена потпиша за Верона, Антонио Касано, донесе одлука да се пензионира на 35 години.

Касано е познат по тоа што секогаш знае да изенанди, а во таков стил и го напушта фудбалот. Овој пат тој одлучи да се пензионира, иако пред само една недела стави потпис на договор со Верона.

Одигра и две пријателски средби, а намести и погодок, па така ќе остане запишано дека во Верона заминал во пензија.

Како причина за неговото повлекување поранешниот репрезентативец на Италија ги наведе семејните проблеми, а својата одлука дополнително ќе ја објасни на конференцијата за новинари која е закажана за нешто подоцна.