Умтити спремен да ја напушти Барса, но под еден услов

Барселона сака да се ослободи од Самуел Умтити и од неговата висока плата во летниот преоден рок.

Умтити не прифати намалување на платата, но е спремен да го напушти каталонскиот клуб ова лето, но само под еден услов.

Имено, Французинот сака да се пресели во тим што учествува во Лигата на шампионите, или конкурентен за титулата во националното првенство, пренесува „Диарио Спорт“.

Во последните недели, Барса доби три понуди за Умтити, но тие не ги исполнија барањата на играчот.

Умтити во последните две години го мачат повреди, па европските гиганти не се заинтересирани за него.