Тухел откри зошто го заменил Нејмар против Бордо

Првата ѕвезда на Пари Сен Жермен вчера мораше порано да го заврши натпреварот против Бордо (2:2).

Нејмар беше заменет во 57-та минута кога на негово место во игра влезе Чупо Мотинг, па новинарите секако ги интересираше колку повредата на Бразилецот е сериозна.

Според она што го изјави стратегот на ПСЖ, Томас Тухел не се работи за посериозна повреда.

„Не знам што точно му се случи. Мислам дека се работи за истата повреда која ја имаше пред натпреварот против Ливерпул. Ми кажа дека не му е проблем да игра против Бордо, но дека теренот му е малку тврд. Поради заедно одлучивме да биде заменет и да не ризикуваме“.

„Против Стразбург нема да игра, ќе го оставам да одмори, ќе биде во составот за натпреварот против Монпелје“, изјави Тухел.