Тројна круна ќе му донесе на Сити вистинско богатство

Манчестер Сити игра одлична сезона и моментално се наоѓа во трка за сите три најважни трофеи.

„Граѓаните“ се пласираа во финалето од ФА Купот, во Премиер лигата се лидери, а во Лигата на шампиони се борат за финале.

Англиските медиуми пишуваат дека доколку Сити ги освои овие три титули ќе му донесат на клубот заработка од неверојатни 330 милиони евра.

Титула во Премиер лигата на клубот би му донела околу 190 милиони евра, а клубот би добил дополнителни 4,5 милиони евра за освојување на ФА Купот.

Освојувањето на Лигата на шампионите носи околу 135 милиони евра, но и можност за зголемување на буџетот.

Доколку ја освои Лигата на шампионите, Сити ќе оди на Светското клупско првенство, каде наградата изнесува околу 58 милиони евра.