Тотенхем сака две ѕвезди од данската репрезентација

Тотенхем започнал преговори за привлекување на Јаник Вестергор од Саутемптон.

Данскиот репрезентативец игра фантастично на ЕУРО каде го привлече вниманието на многу европски гиганти.

Вестергор е висок 199 сантиметри и веќе три сезони игра во Премиер лигата, а Тотенхем уште во јануари покажа интерес за дефанзивецот.

Новиот менаџер Еспирито Санто сака да го донесе во својот тим, а цената на дефанзивецот моментално изнесува 25 милиони фунти.

Покрај него, „спарси“ покажуваат силен интерес и за Дамсгард, кој е една од ѕвездите на ЕУРО. За неговата слобода Сампдорија бара 30 милиони евра.