Таткото на Ѓоковиќ го обвини Димитров: Ни нанесе голема штета!

Срѓан Ѓоковиќ, таткото на Новак гостуваше во РТЛ каде што за целата ситуација на „Адрија Тур“ го обвини Григор Димитров.

Бугарскиот тенисер објави дека е позитивен на коронавирусот на пола час пред финалето на турнирот во Задар кој на крајот беше откажан. Набрзо потоа и уште неколку тенисери потврдија дека се заразени, за вчера да стигнат и резултатите на Ѓоковиќ. Тестот на Ѓоковиќ беше позитивен како и на неговата сопруга.

Таткото на Ѓоковиќ го критикуваше Димитров.

„Димитров веројатно дошол болен на турнирот. Се заразил кој знае каде. Не се тестираше на време и тоа не е во ред. Нанесе голема штета на Хрватска и на нас како семејство, а и на Србија. Ние во иднина ќе направиме се за во нормални услови да го повториме целиот турнир и со задоволство ќе се вратиме“, изјави таткото на Ѓоковиќ.