Тажна вест од Германија: Во сообраќајна несреќа загина тренер на Ајнтрахт

Од тимот на Ајнтрахт Франкфурт потврди дека тренерот на екипата до 19 години, Хелге Раше загинал во сообраќајна несреќа.

Информацијата ја потврди германскиот клуб преку социјалните мрежи.

„Уништени сме од загубата на нашиот тренер до 19 години, Хелге Раше. Загина во страшна сообраќајна несреќа во четвртокот. Нашите мисли се со неговото семејство“, објави германскиот тим.

Медиумите објавија дека Раше животот го загубил во сообраќајна несреќа во северозападниот дел на Франкфрут. Во редовите на Ајнтрахт пристигна во 2020 година, а прво беше тренер на тимот до 17 години.