Станковиќ: Да беше корнер за Милан судијата сигурно ќе дозволеше да го изведат

Синоќа на Сан Сиро екипите на Милан и Црвена Звезда го одигра реванш натпреварот од 1/16 финалето во ЛЕ.

Натпреварот заврши нерешено (1:1), а поради повеќе постигнати погодоци на гости (2:2) Милан успеа да обезбеди пласман во осминафиналето.

После натпреварот своја изјава даде и Дејан Станковиќ кој истакна дека е горд на своите играчи и ја објасни реакцијата после последниот свиреж на судијата.

„Знам што направија овие момци во 180 минути против Милан и премалку е да се каже само дека сум горд.“ – рече Станковиќ и додаде:

„Секако дека бевме бесни, тоа беше нашата последна шанса. Требаше да ни дозволат да го изведеме корнерот! Да беше обратна ситуцијата, Милан сигурно ќе изведеше корнер. Требаше да бидеме наградени за тоа што вечерва го оставивме срцето на терен.“