Стадионот „Местаља“ на Валенсија претворен во центар за собирање помош

Фудбалскиот стадион „Местаља“ во Валенсија денеска е претворен во центар за собирање храна и помош за настраданите во оваа шпанска провинција на југоистокот на земјата која беше погодена од разорни поплави.

Поради обилни дождови и излевање на реките проследено со одрони животот го загубија повеќе од 72 лица па фудбалскиот клуб се одлучи на хуманитарен потег ставајќи го својот стадион на располагање на волонтерите.

Исто така засега неизвесно е и одигрувањето на натпреварот помеѓу Валенсија и Реал Мадрид кој треба да се игра на „Местаља“ в сабота од 21:00 часот.