Соиграчите му го спасиле животот на Торес: Мадрид ги слави хероите Габи и Врсаљко!

Капитенот на Атлетико Мадрид, Габи и хрватскиот репрезентативец Шиме Врсаљко се најзаслужни за спасувањето на Фернандо Торес кој вчера стравично се повреди на дуелот против Депортиво.

Тие не дозволија напаѓачот да си го проголта јазикот, а нивната спретна реакција ја пофали докторот на Депортиво, Карлос Ларињо кој прв му даде помош на Шпанецот долу на теренот.

„Она што Габи и Врсаљко го направија е клучно, реагираа брзо и спретно. Завршија одлична работа. Габи бил гризнат додека се обидувал да му го извади јазикот“, истакна докторот.

Утрово и самиот Фернандо се огласи преку Твитер благодарејќи им на сите за поддршката, а навивачите на „јорганџиите“ преку социјалните мрежи им заблагодаруваат на Габи и Врсаљко.

#Gabi grande capitán, #Vrsaljko gracias. Muy grandes!!!

— Volante zurdo (@nico14573) March 3, 2017

Que grandes #Vrsaljko y #gabi. Hay qué tener lo reflejos que tuvieron para salir corriendo nada mas ver caer a @torres. Animo Fernando pic.twitter.com/zUnCYb7hEE

— UnManchegoEnElCamino (@manchegocamino) March 3, 2017

#Vrsaljko #Gabi los héroes del día . Gracias . Equipo enorme con balón , sin balón . Equipo con personas ??

— Propia (@Propia3) March 2, 2017