Дома Фудбал Сити го спрема теренот за холандската легенда да го наследи Гвардиола?

Сити го спрема теренот за холандската легенда да го наследи Гвардиола?

Bo Maнчестер Сити се свесни дека порано или подоцна ќе се разделат со Пеп Гвардиола, па во англискиот гигант изгледа го спремаат теренот за денот кога Гвардиола ќе замени.

Англискиот шампион ја вработи холандската легенда Џовани Ван Бронхорст кој во изминатите месеци работеше како човек од сенка откако шефовите на Сити го убедија да го прекине едногодишниот договор и да стане долгогодишен член на клубот.

Британски „Мирор“ наведува дека планот на Сити е поранешниот репрезентативец на Холандија да остане во клубот бидејќи го сметаат за идеален наследник за Гвардиола.

Пеп има договор до 2021 година, но прашање е уште колку трофејниот тренер ќе остане на „Етихад“ каде што во минатата сезона ја освои Премиер лигата.

Ван Бронхорст има само 44 години и му се предвидува голема тренерска кариера. Тренерскиот занает тој го учеше од Роналд Куман на кого му беше асистент. Со Фејнорд стана шампион и освои два купа.

Коментари
Прочитајте поврзани статии
Load More In Фудбал

Проверете

Биографијата на Панчев доби место меѓу подароците за Ренџерс

Горан Кипријановски ја подари книгата за Дарко Панчев при посетата на „Иброкс“. Во Ренџерс…