Се појави уште една опција за тренер на Челзи, но има еден проблем – не знаел англиски!

Управата на Челзи вчера го назначи Френк Лампард за тренер до крајот на сезоната, но очигледно е дека не планираат тој да биде долгорочно решение на клупата на двократниот европски шампион.

По отказот на Греам Потер, како потенцијални тренери од почетокот на следната сезона се споменуваа Луис Енрике и Јулијан Нагелсман, кој неодамна доби отказ од Баерн.

Сепак, според британските медиуми, една од опциите кои се појави е Марсело Галјардо, аргентински стручњак.

Гаљардо ја водеше Ривер Плата од 2014 до 2022 година и ги освои сите можни трофеи, вклучувајќи го и Копа Либертадорес во 2018 година.

Аргентинецот добро го познава и фудбалот во Европа, бидејќи во текот на кариерата настапуваше за Монако и ПСЖ, а она што може да биде најголема пречка за евентуален трансфер е неговото слабо познавање на англискиот јазик.