Севиља и Милан се вклучија во трката по Елмас

За македонскиот фудбалски бисер, Елиф Елмас владее голем интерес и од ден во ден се појавуваат нови информации кои го поврзуваат Елмас со заминување од Фенербахче.

Многу европски гиганти се заинтересирани за Елмас, а последните информации од Шпанија говорат дека Севиља понудила 15 милиони евра за македонскиот репрезентативец.

Севиља е само уште една екипа во низата тимови, кои во претходниот период покажаа интерес за македонскиот „дијамант“.

Претходно за Елмас интерес покажаа и Интер, Борусија Дортмунд, Наполи, Атлетико Мадрид, Фиорентина, а наводно во борбата за талентираниот фудбалер се приклучува и Милан.

19-годишниот Елмас ова лето готово сигурно ќе го напушти Фенербахче, па останува да видиме која ќе биде неговата следна дестинација.

Ofertón del Sevilla por Eljif Elmashttps://t.co/fn4eYU1Fgl #sevillafc #sevilla #sevillahoy

— orgullobiri.com (@SevillaFC_es) June 14, 2019