Сампаоли: Овој тим е повеќе од Меси, отколку мој!

Селекторот на Аргентина, Хорхе Сампаоли, призна дека го гради тимот околу ѕвездата на Барселона, Лионел Меси.

„Ако Меси е добро, овој тим е повеќе негов, отколку мој. Штом Лео е стартер, тоа дефинитивно е тимот на Меси“, изјави Сампаоли на пресконференција во Манчестер, каде „гаучосите“ се подготвуваат за пријателскиот меч со Италија.

„Меси се наоѓа во многу мудар и одговорен период, тој ни помага многу во остварувањето на нашите цели. Магнетизмот кој го поседува Лео е еден голм бонус за овој тим“, додаде аргентинскиот селектор.