Руни му одговори на Роналдо: Го стигнуваат годините и тешко му е

Кристиано Роналдо во бомбастичното интервју меѓу другото кажа дека Вејн Руни му е љубоморен затоа што сè уште игра на врвно ниво.

„Не знам зошто Вејн Руни ме критикува толку често. Веројатно затоа што ја заврши кариерата, а јас се уште играм на врвно ниво. Исто така е точно дека изгледам подобро од него”, изјави 37-годишниот Португалец.

Руни беше на „Глоуб Сокер Авордс“ во Дубаи, па веднаш му одговори на Роналдо пред новинарие.

„Роналдо е одличен фудбалер, како што кажав и претходно. Еден од најдобрите во историјата. Но, сметам дека го стигнуваат годините и тешко му е да се соочи со тоа. Тој даде интервју и тоа стана популарно во светот. Некои коментари се чудни, но Манчестер Јунајтед треба да го реши проблемот“, вели Руни.