Руни ги изненади навивачите: Го брани Тен Хаг

Резултатската криза на Манчестер Јунајтед и проблемите на тимот на Ерик тен Хаг веќе подолго време се меѓу главните теми на Островот. Освен лошите резултати во Премиер лигата и Лигата на шампионите, тие беа елиминирани и во Лига купот од Њукасл со 3:0.

Таа тема не можеше да ја заобиколи ниту легендата на клубот од неговите најславни денови, Вејн Руни, кој денес е колега на Тен Хаг и го води тимот на Бирмингем во Чемпионшип. Руни наведува дека критиките се дел од тренерската работа, но и дека играчите треба да ја подобрат формата.

„Таква е работата и ние ја прифаќаме. Со тоа доаѓа и голем притисок. Тен Хаг знае како е да се води Манчестер Јунајтед. Не оди онака како што сите се надеваа. И играчите мора да преземат одредена одговорност. Тие не играат на нивото на кое можеат, но секогаш менаџерот е најкритикуваниот“, изјави Руни.

"He will get the critics, but I think the players can do a lot more" 🗣

Former Man United forward Wayne Rooney on Erik Ten Hag, who has come under pressure after the clubs recent results and performances ⬇️ pic.twitter.com/U9I1kmOIPg

— Sky Sports News (@SkySportsNews) November 2, 2023