Рој Макај воодушевен од ѕвездата на Баерн: Можете ли да верувате дека го доведоа бесплатно?

Рој Макај кој играше за Баерн во периодот од 2003 до 2007 година во разговор за „Кикер“ искажа воодушевување од Роберт Левандовски.

Макај има само пофални зборови за полскиот голгетер кој во 276 натпревари за Баерн постигна 231 гол, а на „Алијанц Арената“ пристигна како слободен играч од Борусија Дортмунд.

„Комплетен е, тој е еден од најдобрите напаѓачи во светот. Секоја година постигнува повеќе од 30 голови и напорно работи за остатокот од тимот. Можете ли да верувате дека Баерн го доведе бесплатно?“.

„Нема што многу да се каже, само погледнете ги неговите бројки и статистика. Она што го прави е фантастично“, изјави Макај.

Левандовски серијата голови ја продолжи по продолжувањето на германското првенство кога изминатиот викенд погоди во победата на Баерн од 2:0 над Леверкузен.