Роналдо: Манчестер Јунајтед е завршена приказна за мене

Португалската ѕвезда Кристиано Роналдо проговори за рекордот по голови на Светските првенства.

Роналдо постигна гол на пет Мундијали ред, откако вчера беше прецизен од белата точка против Гана.

„Ова е одличен момент, гол на моето петто Светско првенство. Победивме, добро го започнавме турнирот. Многу важна победа. Знаеме дека во вакви натпреварувања клучна е победата во првиот натпревар. И уште еден рекорд, да. Јас сум единствениот кој постигнал гол на пет Светски првенства по ред и горд сум на тоа“, изјави Роналдо.

На прашање за Манчестер Јунајтед, тој кратко одговори.

„Не сакам да зборувам на таа тема, Манчестер Јунајтед е завршена приказна за мене. Од моментот кога дојдов овде јас размислувам само на Португалија“, прокоментира Кристиано.