Роналдо ефект: Сите играчи на Јувентус ослабеа

Летото 2018 година Јувентус го доведе Кристиано Роналдо, па со тоа покрај што го засили тимот, „старата дама“ доби и огромни комерцијални придобивки од Португалецот.

Откако Роналдо слета во Торино, Јувентус веднаш стана клуб кој е многу поинтересен за спонзорите, а и љубителите на фудбалот ширум светот.

„Роналдо ефектот“ и тоа како се почувствува на финансиски план, но тоа не е единствениот аспект на кој влијаеше одличниот Португалец.

Роналдо во текот на целата кариера е познат како играч кој големо внимание и придава на физичката припрема и исхраната. Па така неговиот соиграч Даглас Коста откри дека Португалецот влиајаел на целиот тим да ги поправи своите навики.

„Благодарение на Кристиано сега сите внимаваме што и кога јадеме и сите сме послаби и повитални. Секогаш добро сум се хранел, но сега го правам тоа подобро од било кога. Веќе имам 29 години и го чувствувам тоа“, изјави Даглас Коста.