Дома Фудбал Роналдо до организаторите на „Златната топка“: Се е лага! Јас ве почитувам, вие мене не

Роналдо до организаторите на „Златната топка“: Се е лага! Јас ве почитувам, вие мене не

Ѕвездата на Манчестер Јунајтед, Кристиано Роналдо се огласи непосредно пред церемонијата за доделување на „Златната топка“.

Португалецот очигледно име нешто против организаторот „Франс Фудбал“. Роналдо оваа година секако не е меѓу фаворитите, но не му се допаѓа репутацијата на егоист, како што го претстави главниот уредник на весникот во својата изјава.

„Денешниот избор само ја објаснува изјавата на Паскал Фере кога рече дека е убеден дека мојата единствена цел е да ја завршам кариерата со повеќе Златни топки од Лео Меси. Тој лажеше и го користеше моето име за да се промовира себе и весникот во кој работи. Неприфатливо е личноста задолжена за доделување на најпрестижната награда за лаже на тој начин и тоа е непочитување кон мене“.

„Секогаш сум спремен да им честитам на победниците во духот на фер-плејот, бидејчи така сум воспитуван. Победувам поради себе и поради оние кои ме сакаат. Не се борам против никого. Мојот фокус сега е да постигнам успеси со Манчестер Јунајтед, за себе, за клубот и за навивачите. Се останато и онака е неважно“, истакна Роналдо.

Коментари
Прочитајте поврзани статии
Load More In Фудбал

Проверете

Тотенхем го продаде за 10 милиони, а сега повторно го следи – цената е седумпати повисока!

Вил Ланкшир блеска во Мидлсбро, кој според англиските медиуми бара 70 милиони фунти. Тотен…