Роналдо го постигна 700. погодок во кариерата

Кристијано Роналдо синоќа го постигна 700. погодок во кариерата.

Роналдо ја затресе мрежата на Украина и така стана шестиот играч кој постигна 700 или повеќе погодоци во кариерата.

Тој 95 погодоци постигна во дресот на Португалија, 32 во дресот на Јувентус, 450 во дресот на Реал Мадрид, 118 во дресот на Манчестер Јунајтед и пет погодоци во дресот на Спортинг.

Пред него, 700+ погодоци постигнале Јозеф Бицан (805), Ромарио (772), Пеле (767), Ференц Пушкаш (746) и Герд Милер (735).