Роналдињо станува политичар: Ќе се кандидира за бразилскиот Сенат

Еден од најдобрите фудбалери на сите времиња, Роналдињо Гаучо има намера да се кандидира во својата партија која се нарекува „Патриот“ за бразилскиот Сенат во државата Минас Жераис на изборите во 2018 година.

Легендарниот бразилски фудбалер разговарал со претседателот на партијата Фонсека Гутенберг и останатите лидери во Рио де Женеиро, а потоа позираше со книга на бразилскиот политичар Жаиро Болсонар.

Роналдињо сакаше да објави кандидатурата уште викендов на хуманитарниот натпревар кој го организираше во државата Минеиро, меѓутоа фудбалерот ја одлучи официјализацијата на кандидатурата за следната недела.