Рома тргнува по ѕвездата на Борусија Дортмунд

Рома оваа сезона игра под сите очекувањата, па раководството планира сериозно да го засили тимот во зимскиот преоден рок.

Римскиот клуб во јануари ќе биде и тоа како активен кога во прашање е преодниот рок, а наводно Мончи веќе две зделки приведува кон крај. Италијанските медиуми пренесуваат дека на „Олимпико’ би требало да пристигне играчот за врска на Јанг Бојс, Секу Саного и фудбалерот на Борусија Дортмунд, Јулијан Вајгл.

„Газета дело Спорт“ пишува дека овие фудбалери се на врвот на листата желби на Мончи и дека тој на големо работи овие две зделки да бидат реализирани во јануари.

Приоритет е Јулијан Вајгл кој оваа сезона падна во втор план во Борусија Дортмунд и сака да ја промени средината.

Планот на „волчицата“ е да го донесе Германецот на позајмица до крајот на сезоната, со можност за откуп следното лето.

https://youtu.be/tryBmFQjVCQ