Реал не се откажува: Ѕвездата на Челзи е желба број еден!

На Реал Мадрид следното лето му завршува забраната за регистрирање на нови фудбалери, па Флорентино Перез сака да донесе нова ѕвезда на „Сантиаго Бернабеу“.

Доколку им се верува на англиските медиуми потрагата е завршена и трансфер желба број еден на „кралевите“ е ѕвездата на Челзи, Еден Азар.

Азар оваа сезона игра во својата препознатлива форма и е еден од најдобрите фудбалери во Премиер лигата, па Реал ќе направи се за да го донесе на „Сантиаго Бернабеу“.

Познато е дека Зидан е голем симпатизер на играта на Белгиецот, а Реал Мадрид на лето ќе направи простор за Азар со продажбата на Иско и Хамес Родригез.

Медиумите тврдат дека со продажбата на овие двајца фудбалери „кралевите“ ќе обезбедат околу 100 милиони евра и дека се спремни да го срушат трансфер рекордот за Азар.