Во Реал изненадени: Понудата на Перез од 90 милиони евра е одбиена!

Најголем проблем за Реал Мадрид во следната сезона би можела да биде обраната.

Зинедин Зидан бара стопер и тоа висококвалитетен, а првиот обид е прилично добар, но сепак не успешен. Калиду Кулибали е еден од најдобрите стопери во светот, Реал Мадрид во него ја гледа замената за Рамос кој изрази желба да си оди, но патот до него ќе биде тежок.

Наполи вчера одби понуда од Реал Мадрид која тежеше 90 милиони евра, сакаат многу повеќе пари за споменатиот играч и нема сомнеж, имајќи ги во предвид денешните цени на играчите. Кулибали има откупна клаузула од 150 милиони евра, проблем е тоа што договорот му трае до 2020. година, па Реал би можел да го доведе дури и бесплатно следната година.