Раул Гонзалез: Се уште имаме шанси за пласман во следната фаза!

Селекторот на македонската ракометна репрезентација Раул Гонзалез не го криеше незадоволството после убедливиот пораз од Хрватска (31:22).

Според селекторот најголем проблем за Македонија во овој натпревар бил одличниот голман на Хрватска, Шего.

„Честитки за Хрватска,одигра одличен меч во одбраната и во нападот. Знаевме дека ќе биде многу тешко против нив па затоа одлучивме да играме со „седум на шест, пробавме и со зоната 5-1, им создадовме проблеми, сепак нашиот проблем денеска беше голманот Шего, тој беше перфектен и ние не можевме тука ништо“, изјави Раул.

„Имавме шанси во второто полувреме, но не искористивме. Важно ми е што дадовме се од себе. Се уште имаме шанси да се пласираме во втората фаза“, заклучи нашиот селектор.