Пристигна пред една година сега заминува – Симеоне го пушта својот сонародник

Во Мадрид на големо се шпекулира за заминување од таборот на „јорганџиите“…

Според најновите информации кои пристигнуваат од главниот град на Шпанија, Николас Гаитан е на излезни врати од клубот.

Аргентинецот кој минатата година пристигна од Бенфика не ги задоволи критериумите на Диего Симеоне, па неговото заминување е се поизвесно.

Гаитан не може да одговори на барањата на Симеоне во дефанзивата и тоа е главната причина поради која не игра многу и најверојатно ќе ја промени средината веќе оваа зима, иако сеуште нема информации која би можела да биде негова наредна дестинација.

Неговата цел е да биде на списокот на аргентинскиот селектор Сампаоли за Мундијалот во Русија, а јасно е дека од тоа нема да има ништо доколку не го напушти Атлетико.