Дома Фудбал Приказната за тетоважата на Симеоне: Ја направил кога имал само 13 години – сонот вчера му стана реалност!

Приказната за тетоважата на Симеоне: Ја направил кога имал само 13 години – сонот вчера му стана реалност!

Џовани Симеоне од Наполи вчера доби прилика да влезе во игра после повредата на Осимен против Ливерпул. Само три минути по влегувањето на теренот Симеоне ја затресе мрежата.

По голот синот на стратегот на Атлетико Мадрид Диего Симеоне, ја бакна тетоважата. Приказната за оваа тетоважа Симеоне ја раскажа уште додека играше за Каљари.

Тетоважата ја направил кога имал само 13 години и тоа е логото на Лигата на шампионите.

„Верувам дека не треба да се тетовирате додека не наполните 18 години. Но, јас бев премногу голем фан на Лигата на шампионите. Татко ми се противеше, а мајка ми ме праша: Зошто? И одговорив: Кога ќе го дадам мојот прв гол во Лигата на шампионите ќе ја бакнам тетоважата“, откри тогаш Симеоне.

Неговиот сон на 13 години токму вчера стана реалност.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…