Пред натпреварот со ПСЖ Куман ги потврди добрите вести за Барса

Тоа што беше најавено сега го потврди и стратегот на Барселона, Роналд Куман.

На конференцијата за медиуми Куман изјави дека Пике веќе неколку дена тренира со екипата и дека се чувствува одлично.

„Пике се чувствува добро, тренира нормално со екипата веќе 4-5 дена. Имаме добро чувство, но и понатаму не сме донеле конечна одлука за неговиот настап. Помина долг период надвор од теренот, па на денот на натпреварот ќе донесеме одлука за неговиот настап“.

За разлика од Пике, Роналд Араухо нема да биде во составот.

„Араухо не тренираше денес и нема да биде во конкуренција за натпреварот утре“, изјави Куман.
Натпреварот помеѓу Барселона и ПСЖ се игра утре со почеток од 21:00 часот.