Преговорите започнаа, Покетино ќе биде селектор на Англија

Откако англиската репрезентација испадна од А дивизијата во Лигата на нации, се чини дека ќе има промена на селекторската позиција.

Иако Саутгејт неодамна изјави дека е уверен дека ќе ја води Англија на Светското првенство, се чини дека тоа нема да се случи.

Прашање е само дали ќе биде сменет пред или по Мундијалот, барем така тврдат англиските медиуми.

Како најсериозен кандидат за наследник на Герет Саутгејт се смета Маурисио Покетино. Тој синоќа го следел мечот меѓу Англија и Германија, а веќе добил и понуда да биде нов селектор на Гордиот Албион.

Покетино не би имал ништо против селекторската работа, а негов приоритет е секако да се врати во Англија.