Потер: Додека мојата сопруга ужива, јас морам да мислам на Челзи

Менаџерот на Челзи, Грем Потер даде интересна изјава во врска со распоредот во Премиер лигата кога за најголем дел од луѓето тоа е период за одмор.

Во Премиер лигата натпревари се играат на „Бокинг деј“, како и на Нова година, а Потер се надева дека неговиот тим ќе постигне добри резултати.

„Би било добро да ги дочекам празниците со неколку победи, тогаш би бил подобро друштво за мојата сопруга.

Додека таа седи и ужива гледајќи во океанот размислувајќи колку и е убаво. Јас мислам на Челзи“, изјави Потер.

Утре во првиот натпревар на „сините“ по Мундијалот, Челзи ќе се сретне со Бурнемоут.