Потврда од УЕФА: Финалето во ЛШ ќе се игра како што е планирано и со публика!

Деновиве ситуацијата со Ковид-19 во Турција, посебно во Истанбул се влоши, па низ фудбалска Европа започнаа шпекулации дека УЕФА можеби ќе го промени градот домаќин.

Финалето за Лигата на шампионите оваа сезона е закажано да се игра на 29. мај на стадионот „Ататурк“ во Истанбул. После шпекулациите дека може да има промени се огласи УЕФА и потврди дека тоа нема да се слули.

Од УЕФА соопштуваат дека немаат намера да го менуваат Истанбул и дека финалето сигурно ќе сигра според планираното, а освен тоа најавуваат и присуство на публика. Засега не е познато во колкава бројка, меѓутоа потврдено е дека во одреден број ќе има гледачи.