Дома Фудбал Португалската федерација побарала голот против Уругвај да биде запишан на Роналдо

Португалската федерација побарала голот против Уругвај да биде запишан на Роналдо

Португалија вчера го победи Уругвај со 2:0 и така обезбеди пласман во осминафиналето на едно коло пред завршувањето на групната фаза, меѓутоа по овој натпревар многу се пишува за првиот гол на Португалците.

Бруно Фернандеш сакајќи да нафрли за Роналдо се запиша во листата на стрелци. Роналдо самиот после натпреварот тврдеше дека ја допрел топката (тука) и дека треба да му биде него запишан тој гол.

Но, изгледа дека работата не останала само на тврдење на Роналдо. Наводно, Фудбалската федерација на Португалија испратила официјално барање до ФИФА како стрелец да биде запишан Роналдо место Бруно Фернандеш.

Во жалбата тие напоменуваат дека Роналдо играл со топката. Вакво барање досега на Мундијалите не се памети, па останува да се види дали ФИФА ќе реагира.

Коментари
Прочитајте поврзани статии
Load More In Фудбал

Проверете

Од мундијалски бараж до година без победа: тежок биланс за Македонија

Македонската сениорска селекција ја завршува 2026 година со две ремија и осум порази. Седу…