Покетино стана шампион, а го нема во списокот на најдобри тренери

Маурисио Покетино не влезе во списокот на петмината најдобри тренери номинирани за Најдобар тренер во Лига 1, иако ја освои титулата со ПСЖ.

Ова е голем удар за Покетино кој ја освои титулата со ПСЖ и тоа четири кола пред крајот на првенството.

Номинирани за Најдобар тренер на сезоната се: Кристоф Галите (Ница), Хорхе Сампаоли (Марсеј), Бруно Женесио (Рен), Жулиен Стефан (Страсбург) и Антоан Комбуаре (Нант).

Покетино доби многу критики после елиминацијата на ПСЖ од Лигата на шампиони, а освојувањето на Лига 1 не му се припишува како успех со оглед на фактот дека располага со супериорен тим.