Познат целиот календар на ЛШ: Финалето на 29-ти август

Претседателот на Лион, Жан Мишел Ола откри дека реваншот меѓу Јувентус и Лион од осминафиналето од Лигата на шампионите ќе се игра на 7 август.

Ова значи дека завршницата во ЛШ ќе се игра во текот на целиот август, а во оваа фаза треба да се одиграат уште три меча.

Во првиот 1/8-финален дуел Лион го победи Јувентус со 1:0 на својот стадион и ги задржи шансите за пласман во четвртфиналето.

Следниот ден ќе се сретнат Баерн-Челзи и Барселона-Наполи, а четвртфиналните дуели се на програмата од 11 до 15 август, полуфиналните од 18 до 22 август, а финалето во Истанбул е на 29 август.