Позната најголемата желба на Конте во Наполи

Се поизвесно е дека Антонио Конте ќе седне на кормилото на Наполи,а позната е и неговата најголема трансфер желба.

Приоритет на Конте ќе биде засилување на одбраната, а прва желба е италијанскиот репрезентативец Алесандро Бонџорно.

Дефанзивецот на Торино важи за еден од најголемите италијански таленти и веќе е стандарден во италијанската репрезентација.

Милан во јануари понуди 40 милиони евра за неговиот потпис, но Торино одби да го пушти на средина на сезоната.

Наполи сега ги започнал преговорите и е спремен да понуди 40 милиони евра за неговиот потпис.