Погба: Како изгубивме од Тотенхем? Немам поим!

Поразот од 0:3 во понеделникот на Манчестер Јунајтед од Тотенхем и понатаму е главна тема на Островот.

На големо англиските медиуми пишуваат за ситуацијата во клубот и позицијата на тренерот Жозе Мурињо.

За поразот од Тотенхем сега зборуваше Пол Погба.

„Бизарно е. Бевме одлични, започнавме добро, а на крајот изгубивме 3:0. Тоа е шокантно“, изјави Погба и потенцираше дека не му е јасно како неговиот тим изгубил.

„Не разбирам како тоа се случи. Започнавме добро, првиот гол беше несреќа. Не ни е јасно, го имавме натпреварот во свои раце. Примвме еден, па уште еден гол, но продолживме да создаваме шанси“, истакна Погба.

„Ние и понатаму сме Манчестер Јунајтед и не се откажуваме толку лесно“, заврши Французинот.