Пирло се соочува со проблеми пред вечерашниот натпревар со Кротоне

Фудбалерите на Јувентус вечерва играат на гости против Кротоне во 4. коло од Серија А.

Репрезентативната пауза заврши, а за Јувентус не помина баш најдобро. Имено, во Торино со коронавирус се заразени Кристиано Роналдо и Вестон Мекени кои сигурно ќе го пропуштат наредното коло.

Тоа не се единствените лоши вести за Андреа Пирло пред вечерашниот натпревар. Имено, за Кротоне не се спремни Арон Рамзи и Алекс Сандро кои имаат проблеми со повреди. Рамзи се повреди играјќи за Велс додека Сандро и Де Лихт веќе некое време се надвор од терените. Затоа за Пирло ова може да биде голем тест.

Меѓутоа Пирло има и малку добри вести, во составот на Јувентус се враќа Паоло Дибала кој се опорави од повреда, а за „старата дама“ би можел да дебитира и Федерико Киеза кој дојде од Фиорентина.