Пиоли: Одиме во Ливерпул да се надигруваме

Милан после седум години се врати во Лигата на шамиони и утре ќе му гостува на Ливерпул на „Енфилд“.

„Росонерите“ ќе бидат и без Златан Ибрахимовиќ на ова гостување, но тренерот Пиоли изјави дека нема да се исплашат пред силниот противник и одат на „Енфилд“ да се надигруваат.

„Конечно Милан се враќа таму каде што припаѓа. Нашата група е многу силна, но ние сакаме да направиме наша приказна во Лигата на шампиони. Ливерпул е еден од најсилните тимови во Европа, но ние одиме на „Енфилд“ да се надигруваме“, изјави Пиоли.

„Ибрахимовиќ ќе беше стартер, но почуствува болка во тетивата и ќе остане во Милано, но ќе се врати набрзо. Жиру е спремен за игра, го имаме и Ребиќ кој одигра одлично против Лацио. Во Серија А започнавме одлично, но во ЛШ нивото е многу повисоко, а ние сакаме да покажеме дека можеме да играме на такво ниво“, додаде италијанскиот тренер.