Во Премиер лигата пристигна уште еден Нуњес

Португалскиот репрезентативец Матеус Нуњес е нов фудбалер на Вулверхемптон, потврди клубот.

Нуњес во редовите на англискиот премиерлигаш пристигнува во трансфер вреден 45 милиони евра, плус пет милиони евра како потенцијален бонус што е нов рекорд кога е еден трансфер на Вулвс во прашање.

Претходниот рекорд го држеше уште еден Португалец, Фабио Силва кој пред две години пристигна од Порто за 41 милион евра.

Португалецот во претходните три сезони настапуваше за лисабонски Спортинг каде што одигра 76 натпревари и постигна седум голови во сите натпреварувања.

Во дресот на репрезентацијата Нунес запиша осум настапи и постигна еден гол. Тој е третото засилување за Вулвс ова лето, претходно потпишаа со Гонсало Гуедеше од Валенсија и Нејтан Колинс од Барнли.