Официјално: Матеј Цветановски е нов играч на Шкупи

Младиот фудбалер Матеј Цветановски кој имаше одлична полусезона во Вардар кариерата ја продолжува во редовите на Шкупи.

Сега веќе поранешниот фудбалер на Вардар со Шкупи потпиша договор на две години. 23 годишниот Цветановски кариерата ја започна во Македонија Ѓорче Петров, а пред да го облече дресот на Вардар играше за битолски Пелистер.

„Среќен сум што доаѓам во клубот со богата историја и кај нас и на меѓународна сцена. Понудата која ми даде Шкупи беше најдобра во мојата кариера. Дојдов тука да помогнам и се надевам дека ќе ја освоиме титулата. Благодарен сум на одличниот прием, познавам голем број од играчите и верувам дека брзо ќе се вклопам“, изјави Цветановски по потписот.

Во првиот дел од сезоната Цветановски за Вардар постигна шест гола и запиша пет асистенции.