Официјално: Лајпциг има нов тренер!

Германскиот клуб Лајпциг денес за нов тренер го назначи Доменико Тедеско, потврдија од клубот.

Овој 36- годишен германски стратег доаѓа на местото на Џеси Марш кој  беше отпуштен поради слабите резултати.

Тедеско е роден во Италија, но кога наполни две години се пресели во Германија, најголем дел од играчката кариера ја мина во Германија, а својата афирмација како тренер ја доживеа во Шалке.

 Лајпциг во моментов е на 11. место по 14 одиграни кола со освоени 18 бода, па Тедеско ќе има тешка задача да го врати тимот на врвот.