Официјално: Баерн и Севиља ќе играат со навивачи

Извршниот комитет на УЕФА донесе одлука Суперкупот на Европа кој се игра на 24 септември во Будимпешта да се игра пред ограничен број навивачи – до 30% од капацитетот на стадионот.

Оваа одлука значи дека на „Пушкаш Арената“ ќе можат да присуствуваат околу 20.000 гледачи.

Како што стои во официјалното соооштение сите останати натпревари во европските натпреварувања и понатаму ќе се играат зад затворени врати како што беше одлучено претходно на 9. јули. Се додава и дека ситуацијата внимателно ќе се следи.

„Иако е важно да покажеме дека фудбалот може да продолжи и во тешки времиња, без навивачи играта го губи својот карактер. Се надеваме дека Суперкупот на Европа ќе биде „проба“ после која гледачите ќе се вратат и на останатите натпревари“, изјави претседателот на УЕФА Александар Чеферин.

Во УЕФА Суперкупот ќе се сретнат Баерн Минхен и Севиља.

?️ The 2020 UEFA Super Cup will be played in Budapest in front of spectators – up to 30% of the capacity of the stadium.

The decision was approved by the #UEFAExCo today.

Full announcement: ?

— UEFA (@UEFA) August 25, 2020