Откриена една од главните причини за трагедијата во која загина претседателот на Лестер

Изминуваат скоро три недели од големата трагедија која го погоди Лестер во која животот го загуби нивниот претседател Вичај Шриваданапраба.

Во Британија и понатаму се истражуваат причините за падот на хеликоптерот кој се сруши веднаш по неговото полетување.

Првите информации говорат дека причината за падот се задните перки на хеликоптерот кон што е насочена целата истрага. Освен тоа истражителите испратиле предупредување до сите сопственици кои го поседуваат моделот „АБ169“.

На извештајот од три страници помеѓу останатото се наведува:

„Истрагата на роторот на опашката се спроведува како приоритет“.

Покрај тоа се додава дека временските услови биле поволни и дека видливоста не влијаела на несреќата.