Ван Нистелрој на клупата на Манчестер јунајтед по доаѓањето како привремено решение на местото запиша две победи во неговите три натпревари и фудбалерите се задоволни од неговата работа.
Манчестер јунајтед прикажува солидна игра под водство на славниот голгетер, меѓутоа тој е тука само до доаѓањето на Рубен Аморим кој треба да пристигне по овој викенд.
Вчера во Лигата на Европа по три нерешени средби, „црвените ѓаволи“ со Ван Нистелрој го забележаа и првиот триумф против грчки ПАОК. По натпреварот голманот Андре Онана и отворено порача дека сите во соблкеувалната сакаат Ван Нистелрој да остане во стручниот штаб.
„Сите сакаме Ван Нистелрој и понатаму да биде во стручниот штаб. Навистина е пријатен човек и одличен тренер. Среќни сме под негово водство, се гледа тоа и на теренот. Сепак, ние не се прашуваме, раководството е одговорно за тие работи. Се што ќе биде одлучено наше е да го прифатиме“, изјави Онана.
Учество во игри на среќа е дозволено за лица со 18+ години. Играј одговорно!