Од почит Сане на претставувањето во Баерн не сакал да се слика со „десетката“

После шпекулирање подолго време Лерој Сане е претставен како нов играч на Баерн. Манчестер Сити од неговата продажба ќе заработи 49 милиони евра, а во договорот вклучени се и бонуси кои би можеле да донесат дополнителен профит за „граѓаните“.

Иако уште вчера се знаеше дека Сане ќе потпише договор со Баерн неговиот трансфер беше официјализиран утрово. Баерн потврди и дека Сане ќе го носи дресот со број 10. Сепак, во овој момент „десетката“ во Баерн е на грбот на Кутињо кој е на позајмица и клубот од Минхен нема да го откупи неговиот договор.

Поради почит кон Кутињо Сане им соопштил на луѓето во Баерн дека на претставувањето не сака да се слика со „десетката“.

Сеедно навивачите на Баерн веќе можат да го купат дресот на Сане со број 10 во фан шоповите или на официјалната страна на клубот.